“Атлетико” президенти: “Биз Роналдудан қўрқмаймиз, уни бир неча бор мағлуб этганмиз”

“Бу баҳсда ғалаба қозониш ва кейинги босқичга чиқишни мақсад қилаяпмиз. Сизнингча, биз нима учун Туринга келганмиз?

Ўтган йилги мағлубиятга тўхталадиган бўлсам, ҳар бир баҳс ўзгача натижани тақдим этади. Ўшанда биз уйда 2:0 ҳисобида ғалаба қозонгандик. Бизнинг фойдамизга пеналти белгиланмаган эди. Бу ерда эса 0:3 ҳисобида мағлуб бўлиб, мусобақани тарк этгандик.

Энди эса бизни умуман бошқа ўйин кутиб турибди. Аввалги ўйин билан бунисини ҳеч қандай боғлиқлик жойи йўқ. Биз камида бир очко ишлашимиз ва кейинги босқичга чиқишимиз лозим.

“Атлетико ҳеч қачон Роналдудан қўрқмайди. Биз илгари бир неча бор уни мағлуб этганмиз ва яна бу ишни давом эттирамиз”, дейди Сересо.