Асрор Алиқулов: "Стандарт вазиятлар бизга қимматга тушди"
11 апр 22:47
Новости

Асрор Алиқулов: "Стандарт вазиятлар бизга қимматга тушди"

Суперлиганинг 5-туридан ўрин олган "Машъал" - "Нефтчи" (1:4) учрашувидан сўнг мезбонлар бош мураббийи Асрор Алиқулов матбуот анжуманида иштирок этди.

Ўйин ҳақида

- Ўйинга киришиб кетишда қийинчликларга дуч келдик. Тезкор гол ва стандарт вазиятлар бизга қимматга тушди. Ҳисоб 2:1 бўлиб турганида, бизга нисбатан қўполлик бормиди, ҳакам бунга эътибор қаратмади. Умуман олганда, "Нефтчи" бугун яхшироқдек кўринди. Даражалар ўртасидаги фарқ сезилиб қолди. Ҳаракат қилдик, кучимиз етмади.

- Иккинчи бўлимда дарвозабон алмаштирилди. "Нефтчи"нинг иккинчи голида жамоангиз посбонини қанчалик айблаган бўлардингиз?

- Бурчакдан гол уришади, сизнинг дарвозабонингиз учун бу қийин бўлмаслиги керак. Биринчи голда ҳам дарвозабонда ишончсизлик сезилди. Биз шу боис дарвозабонни алмаштирдик.

- Биринчи ва иккинчи гол жамоа руҳиятига таъсир қилди. Бу ҳақида фикрингиз?

- Буни футболда тезкор гол дейишади. Биз "Андижон"да ҳам биринчи бўлиб гол ўтказгандик. Қўпол хато бўлди, таркибда ротацияларни амалга ошираяпмиз. Бизга ҳимояда ҳам етакчи етишмади.

- “Андижон"даги ўйин даражасини бугун "Машъал"да кўрмадик. Бу жисмоний тайёргарлик сабабми?

- Йўқ, буни жисмоний ҳолат демаган бўлардим. Биз ҳаракат қилдик, йигитлар борларини беришди. Бироқ, футболда даражанинг ўрни ҳам алоҳида аҳамият касб этади.

Ссылка :

Источник : championat.asia

Получайте новости прямо в Telegram!

Рейтинг: +2