Асрор Алиқулов: "Бугун йигитларда характер етишмади"
18 мая 23:40
Новости

Асрор Алиқулов: "Бугун йигитларда характер етишмади"

Суперлига 10-тур доирасидаги "Хоразм" — "Машъал" (3:0) ўйинидан сўнг меҳмонлар бош мураббийи Асрор Алиқулов ўз фикрлари билан ўртоқлашди.

— Учрашувни ёмон бошладик. Хатога йўл қўйдик ва гол ўтказдик. Тезкор иккинчи гол ўтказдик. Ўзимизни оқлашга ҳаққимиз йўқ, узоқ йўл босиб келган мухлисларимиз учун яхшироқ ўйнашимиз керак эди. Кимнидир айбламоқчи эмасмиз, афсуски йирик ҳисобда ютқаздик.

- Захирадан тушган Дилшод Раҳматуллаев ўйинни кучайтирди. Нега у тўлиқ 90 дақиқага тайёр эмасми?

- Ҳисоб бундай бўлиб турганда ўйинга киришиб кетиши осон эмасди. Раҳматуллаев асосий таркибда тушган ўйинлар ҳам бўлди. Бизга марказда тезкор футболчилар керак эди, шу боис бугун захирада қолди.

- Натижани ҳисобга олмаганда ўйинда қониқиш ҳосил қилдингизми?

- Ҳужум қилишга ҳаракат қилдик. Бугун йигитларда характер етишмади. Ҳужумларнинг кўпи тажовузкорлик туфайли охирига етмади. 0:3 ҳисобида ютқаздик, ўйиндан ҳам умуман қониқмадим.