Асрор Алиқулов: "Биз Суперлигада энг кам сметага эга бўлган клубмиз, бироқ..."
15 мар 23:01
Новости

Асрор Алиқулов: "Биз Суперлигада энг кам сметага эга бўлган клубмиз, бироқ..."

Суперлиганинг 2-туридан ўрин олган "Динамо" - "Машъал" (1:0) учрашувидан сўнг меҳмонлар бош мураббийи Асрор Алиқулов матбуот анжуманида иштирок этди.

Ўйин ҳақида

- Биринчи бўлимда Суперлига старти билан боғлиқ футболчиларда ҳаяжон кузатилди. Киришиб кетишда қийинчиликларга дуч келдик. "Динамо"нинг кучли томони қанотлар. Биз кўпроқ қарши ҳужум мақсади билан режа тузгандик. Бўлим охирида ўтказиб юборилган гол бошқачароқ услубга олиб келди. Вазиятлар ярата олдик, бироқ гол уриш насиб этмади. Биринчи ўйин учун ёмон ўйин кўрсатмадик.

- "Машъал"нинг жорий мавсумдаги режалари қандай?

- Шароит борасида муаммо йўқ. Биз Суперлигада энг кам сметага эга бўлган клубмиз, бироқ бу амалда ҳеч нарсани англатмайди. Клуб учун қўйилган талаб Суперлигага чиқдикми, муносиб ўйнаш. "Машъал" барибир ўзининг аввалги мавқеъига қайтади.

- Жамоа ўзбек футболига жуда кўп номларни етказиб берган. Бу амалиёт ҳозир ҳам давом этаяптими?

- Қисқа вақтда биз Суперлигага чиқдик. Ёшларга тажриба керак, бу катта ўйинларда сезилиб қолаяпти. Биз жамоа ёшларини катта футболга тайёрлаш учун машғулотларда астойдил ишлаяпмиз. U-21 ва U-19 жамоамизда ёш иқтидорли футболчилар бор, биз "Машъал"ни аввалги даврлардаги каби янги номларни етказиб бериши устида ишлаяпмиз.

- Жамоа академияси ёпилаётгани ҳақида хабарлар ростми?

- Қийинчиликлар бўлгани рост. Лекин ҳозир академия тўлиқ ҳажмда ишламоқда.

Ссылка :

Источник : championat.asia

Получайте новости прямо в Telegram!

Рейтинг: +3