Асад Дўрмонов “Ёзёвон-Лочинлари” бош мураббийи

Футболчилик фаолиятини якунлаб, кейинчалик мураббий сифатида “Нефтчи”да ишлаган Асад Дўрмонов ўтган мавсум ўрталарига келиб, жамоа билан хайрлашганди. Шундан сўнг сурхондарёлик мураббий Фарғонада истиқомат қилиб юрди ва деярли бир йил вақтини касбидан узоқроқда ўтказди. Олинган маълумотларга кўра, Дўрмонов куни-кеча Фарғонанинг “Ёзёвончи-Лочинлари” жамоасини қабул қилиб олган. Айтиш лозимки, бунгача ушбу клубни Салимжон Зокиров бошқариб келаётганди. Вилоят иккинчи лигаси иштирокчиси бўлган “Ёзёвон-Лочинлари” ўз олдига келаси йил биринчи лигада иштирок этиш вазифасини қўйган.