Артур Юнусов: "Мухлисларнинг олқиши биз учун жуда муҳим"
27 авг 2016 13:33
Новости

Артур Юнусов: "Мухлисларнинг олқиши биз учун жуда муҳим"

Футзал бўйича Ўзбекистон миллий терма жамоаси айни пайтда мундиалга тайёргарликни Эронда давом эттирмоқда.

Терма жамоамиз сардори Артур Юнусов сафар олдидан ўз фикрлари билан ўртоқлашди.

"Жаҳон чемпионатида биринчи марта иштирок этамиз, шу сабабли олдимизга катта вазифалар қўйилмаган. Лекин, биринчи мақсадимиз гуруҳдан чиқиш. У ерда қандай жамоаларга қарши ўйнашимизни аниқ билмаймиз, мундиал ҳавосига тезроқ кўникишга ҳаракат қиламиз.

Колумбияда жамоамизга омад тилайман, чунки спортда омаднинг ҳам ўрни кам эмас. Мундиалда ўзбек халқини ҳудди Олимпиадада қатнашган спортчиларимиз сингари хурсанд этамиз деб умид қиламан.

Мухлисларга бизни қўллаб-қувватланг ва бизга ишонинг деб қоламан. Сизнинг далдангиз ва олқишингиз биз учун жуда муҳим", - дейди Юнусов.

Ссылка :

Источник : championat.asia

Получайте новости прямо в Telegram!

Рейтинг: +3