Артур Геворкян: "Ўзбекистонда эканлигимдан мамнунман"

"Насиб қилса бир неча кунлардан сўнг сафга қайтаман.

Мана шундай муҳим ўйинда жароҳат олиб майдон четида ўйинни кузатиш оғир бўлди.

Фаолиятимдаги энг муҳим ва катта совринларни "Насаф" сафида қўлга киритганман. Ўзбекистондаги фаолиятимдан мамнунман. Ўзбек халқи ҳам мехмондўст. Раҳбарият билан ҳам муносабатлар аъло даражада. Жудаям хурсандман айнан шу ерда эканлигимдан.

Жамоамиз ўз сафига яхши футболчиларни қўшиб олди. Рок Рой жуда фойдали ўйинчи. Коблаш ҳам яхши савиядаги футболчи. Йиғинларда ўзини кўрсатди.

ОЧЛда олдимизга гуруҳдан чиқиш вазифаси қўйилган. Умид қиламанки, бу йил ўтган йилги хатолар такрорланмайди ва муваффақиятга эриша оламиз.

Гуруҳдаги рақибларимиздан "Ал-Ахли" (Дубай) нинг ўйини ёқди. Уларда яхши савиядаги футболчилар бор. Умуман, ушбу ўйинларда барчаси ўзимизга боғлиқ.

Жамоаларимизнинг ОЧЛдаги муваффақиятсизлигини чемпионат бошлангани билан, футболчиларнинг жисмоний ҳолати билан боғлаш мумкин. Умид қиламанки, яқин орада бу якунига етади ва клубларимиз ўзларини кўрсата бошлайдилар. Барча жамоаларимизга омад тилайман.

"Ал-Ахли"да индивидуал кучли бўлган футболчилар етарли. Уларга қарши ўйинда ҳимояга катта эътибор қаратдик.
Ўша ўйиндаги вазиятда йиқилганимдан сўнг дарҳол ўйинни давом эттира олмаслигимни тушундим.

Иккинчи даврада ўз майдонимизда бўлиб ўтадиган ўйинларда ғалаба қозонишга ҳаракат қиламиз.

Ўзбекистон чемпионати савияси ўсмоқда деб ўйлайман. Кучли ёшлар етишиб чиқмоқда. Ўзбекистон МТЖнинг ўйинларида терма жамоага мухлислик қилиб ўтираман.

Красницкий клуби? Бундай клуб ҳақида тўғрисини айтсам яқинда эшитдим. Жуда хурсанд бўлардим агар бу клубдан ўрин олсам.

Бошқа жамоалардан ҳам таклифлар бўлди. Аммо, бу ердан кетишни истамайман. Мени "Насаф"да барса нарса қониқтирмоқда.

Насиб қилса, ОЧЛдаги навбатдаги ўйинда майдонга тушаман. Барчаси шифокорларга боғлиқ", - дея жавоб қилди туркманистонлик легионер кўрсатув муаллифининг берган саволларига.