Артур Геворкян: "Ғалабада стадионга келган ҳар бир мухлиснинг ўз улуши бор"
03 мар 2016 09:00
Новости

Артур Геворкян: "Ғалабада стадионга келган ҳар бир мухлиснинг ўз улуши бор"

"Насаф" - "Ал Аҳли" (2:1) учрашуви якунлангач микст-зонада "аждарлар" сардори Артур Геворкяннинг фикрлари билан қизиқдик.

"Ўз уйимиздаги дастлабки ўйин доимо оғир ва қийин кечади. Масъулияти ҳам юқори бўлади. Футбол байрамига келган ҳар бир мухлиснинг ушбу жуда муҳим бўлган ғалабада ўз ҳиссаси бор. Улар бугун ажойиб муҳитни яратиб беришди. Уларга бу учун алоҳида раҳмат. Ғалаба билан мухлисларимизни ҳам табриклаб ўтмоқчиман. Қаршидаги дастлабки учрашувни ғалаба билан бошлаганимиздан жуда хурсандман. Бу ёқимли ҳисларни тақдим этмоқда. Стадионнинг ишқибозлар билан лиқ тўлиши футболчиларга қўшимча иштиёқ ва куч бағишлайди. Умид қиламанки, қолган барча ўйинларда ҳам мухлислар стадионни тўлдириб туришади ва ажойиб муҳит яратишда фаоллик кўрсатишади. Ғалаба эса уларга совға бўлди", - деди Артур Геворкян.

Ссылка :

Источник : championat.asia

Получайте новости прямо в Telegram!

Рейтинг: +7