Артета энди "Арсенал" бош мураббийи эмас

Қиш бошида "Арсенал"ни қабул қилиб олган ва мавсум сўнггида Англия Кубогига эга чиққан, шунингдек мамлакат Суперкубогини қўлга киритишда катта ҳисса қўшган испаниялик мутахассис энди шунчаки бош мураббий эмас.

Клуб матбуот хизматининг хабарига кўра, Артета энди тўлақонли асосий жамоанинг менежерига айланди.

Шундан келиб чиқадики, Микель бундан буёғига футболчилар билан ишлаш ва машғулотлардан ташқари кадрларни жалб қилиш, таркибни йиғиш ва шартномаларни узайтиришда иштирок этади.