"Арсенал" - "Манчестер Юнайтед". Қизиқарли маълумотлар ва статистика
02 дек 2017 16:42
Новости

"Арсенал" - "Манчестер Юнайтед". Қизиқарли маълумотлар ва статистика

Бугун Англия Премьер-лигасининг 15-туридан ўрин олган "Арсенал" - "Манчестер Юнайтед" учрашуви бўлиб ўтади.

Тошкент вақти билан 22:30да бошланадиган супер баҳсга оид қизиқарли маълумотлар ва статистикани эътиборингизга ҳавола қиламиз.

Барча турнирларни қўшиб ҳисоблайдиган бўлсак "Арсенал" ва "Манчестер Юнайтед" 226 марта тўқнаш келган. "Арсенал"нинг умумий ғалабалари сони 82та, МЮда 94та. Ўйинларнинг 50таси Премьер-лига доирасида ўтказилган. АПЛдаги баҳсларнинг 13тасида "тўпчилар", 22тасида эса "қизил иблислар" ғалаба қозонган.

Бу икки азалий рақибларда ўйнаган футболчилар ҳам бўлган.

"Арсенал"дан "Манчестер Юнайтед"га ўтганлар:

Футболчилар	"Манчестер Юнайтед"га ўтган йили
Дэвид Херд	1961
Ян Юр	1969
Жорж Грехам	1972
Фрэнк Стапелтон	1981
Вив Андерсон	1987
Энди Коул	1995
Мэтт Викс	1995
Робин ван Перси	2012

"Манчестер Юнайтед"дан "Арсенал"га ўтганлар:

Футболчилар	"Арсенал"га ўтган йили
Пэдди Слоан	1946
Жимми Риммер	1974
Брайн Кидд	1974
Жим Лейтон	1991
Дэвид Платт	1995
Мэтт Викс	1996
Микаель Силвестр	2008
Дэнни Уэлбек	2014

"Арсенал" Премьер-лига доирасида "Манчестер Юнайтед"га қарши уйида ўтказган сўнгги 5та баҳснинг фақат 1тасида мағлубиятга учраган (2та ғалаба, 2та дуранг). "Тўпчилар"нинг сўнгги икки ғалабасида "Манчестер Юнайтед" гол ура олмаган.

Арсен Венгер жамоаси уйидаги Премьер-лига учрашувларида кетма-кет 12та учрашувда ғалаба қозонди. Сўнгги бор "Арсенал" шунга ўхшаш натижани 2005 йил февралда "Хайбери" стадионида қайд этган (кетма-кет 13та ғалаба).

Месут Озил "Манчестер Юнайтед"га қарши АПЛнинг сўнгги тўрт учрашувда 4та голда иштирок этган (2та ғалаба, 2та голли пас).

Тўпурарлар рўйхатида "Манчестер Юнайтед" ва "Арсенал" футболчилари кетма-кет жойлашишган. Ромелу Лукаку 8та гол билан тўпурарлар жадвалида 7-ўринни эгаллаб турган бўлса, Александр Ляказетт 7та гол билан 8-ўринда бормоқда.