"Арсенал" 4 нафар ҳужумчидан иборат шорт-лист тузиб олди

Сўнгги маълумотларга кўра, Лондон клуби ёзги трансфер ойнасида ҳужум чизиғини кучайтириш ниятида. "Арсенал" шу мақсадда Дарвин Нуньес ("Бенфика"), Тэмми Абрахам ("Рома"), Габриэл Жезус ("Манчестер Сити") ва Коди Гакпо (ПСВ)ни шорт-листга киритган.

Транфсер нархи 40 млн евро бўлган 22 ёшли Нуньес жорий мавсумда барча мусобақаларда 40 та ўйинда майдонга тушиб, 34 та гол урган.

24 ёшли Абрахам Италия А Сериясида 34 та баҳсда 15 та тўп киритган ҳамда 4 та ассист қайд этган.  

25 ёшли Жезус Англия Премьер-лигасида 25 та ўйинда иштирок этиб, 8 та гол урган ва 9 та голга ассистентлик қилган.

22 ёшли Гакпо ҳамма мусобақалар доирасида 44 та учрашувда қатнашиб, 19 та гол урган ва 15 та голга пас узатган.