Аргентинада битта бўлса, бизда иккита Марадона бор, улардан бирининг ўғли — Месси

Бир неча йил илгари ижтимоий тармоқларда туғилганлик ҳақидаги гувоҳнома сурати туширилган сурат тарқалди. Унда хоразмлик ота ўғлига Месси исмини қўйгани акс эттирилганди.

Диққатга сазовор томони шундаки, отанинг исми Марадона бўлиб, у икки машҳур футболчи Лионель Месси ва Диего Марадонанинг ашаддий мухлиси бўлган. У ўз кумирларидан илҳомланиб, ўғлига Месси деб исм қўйди. Натижада боланинг тўлиқ исми Месси Каримов Марадона ўғли бўлиб қолди. Ҳозирда Месси 13 ёшни қарши олган.

Ундан кейин ҳам турли футболчиларнинг исмлари қўйилган гувоҳнамалар суратлари ижтимоий тармоқларда тарқалган, бироқ тасдиқланмаганди. 

Шунингдек, мамлакатимизда Марадона исмли футболчи ҳам бор. 1994 йил таваллуд топган Марадона Сафаровнинг футболчилик фаолияти исмига мос тарзда ўтмади. "Машъал", "Шўртан", "Динамо" каби клубларда тўп тепган қашқадарёлик футболчи айни дамда Қирғизистоннинг "Ўш" клуби шарафини ҳимоя қилади.

Оқил Абдубарноев тайёрлади