Аргентина терма жамоаси нега бунчалик ёмон ўйнаяпти?

Альбиселестенинг муаммоси нимадалигини тушунишга уриниб кўрамиз.

Биринчи сабаб. Тажрибасиз мураббий

Лионель Скалони - яхши инсон. Бироқ Аргентинадек жамоани бошқариш учун бу етарли эмас. Терма жамоа бош мураббийи бу вазифага тайёр эмас. На рухий ва на касбий жиҳатдан. Ундан ғоялар, тактикалар хатто эмоция кутиш ҳам қийин. Копа Америка учун танланган тактика борасида гапиришдан фойда йўқ, чунки футболга тушунмайдиган инсон ҳам Скалонидан норози.

Иккинчи сабаб. Таркиб

Игуаин, Ламела, Лансини, Корреа, Банега, Гарай, Гомес, Симеоне, Икарди, Х. Корреа, Фасио, Пасторе, Мусакки - бу футболчилар турли сабабларга кўра Аргентина терма жамоаси таркибига чақирилмади. Жамоага кўпроқ "Аталанта" ҳужумчиси Анхель Гомес етишмаяпти. У ҳозир Месси бор кучи билан бажараётган баъзи вазифаларни ўз бўйнига олиши мумкин эди. Бироқ айнан Лионель туфайли Гомес чақирув олмаган бўлса керак. У сардорни бироз эркинроқ ҳаракат қилишига имкон берарди..

Учинчи сабаб. Лионель Месси

Месси Аргентина терма жамоаси учун жуда қимматбаҳо совға ва худди шунчалик катта муаммо. Ҳаммаси Леонинг бўйнида. Месси ҳимоя ишлаяпти, таняч зонасида тўп билан ҳаракат қилмоқда, ҳужумларни бошлаяпти, алдаб ўтяпти, стандартларни амалга оширяпти, прессингни бошлаб, ҳужумларни якунлаяпти. Натижада "Барселона"даги фойдалилик коэффициенти "Барселона"дагидан анча паст бўлиб қолмоқда. Леонинг гапларини тушунадиган одам топилмаяпти. Ди Мария ва Агуэро эса етарли даражада ёрдам бера олмаяпти.

Тўртинчи сабаб. Мотивация

Аргентина регби терма жамоаси мамлакат мадҳиясини ижро этганини кўрганмисиз? Бу худди ўша машҳур италияликлар ижросига ўхшайди. Энди аргентиналик футболчиларга назар ташланг. Уларни мажбуран майдонга туширишаётганидек тасаввур уйғонмоқда. Аргентина бундай кайфият ва хоҳиш билан ҳеч нарса юта олмайди. Месси ҳам терма жамоани совринсиз тарк этади.

Нима қилиш керак?

Биринчи навбатда ҳимоя чизиғи ва ярим ҳимоя марказини ўнглаш лозим. Рақиблар майдон марказидан осонлик билан ўтишмоқда. Кейин эса Мессининг ролини аниқ қилиб олиш керак. У Фигаро принципи бўйича ҳамма ерда ўйнаши шарт эмас. Ҳужум марказини Мартинесга ишониш лозим.

Бироқ ҳамма муаммо футболчиларнинг миясида. Мотивация, ўзига ишониш, мамлакат байроғи учун ҳар қандай рақибни янчиб ташлаш истаги - мана шу нарсалар билан Копа Америка ғолибиги айланиш мумкин.