Аргентина терма жамоаси бош мураббийини машина уриб кетди. Машинани унинг дўсти бошқараётган эди
09 апр 2019 16:54
Новости

Аргентина терма жамоаси бош мураббийини машина уриб кетди. Машинани унинг дўсти бошқараётган эди

Аргентина терма жамоаси бош мураббийи Лионель Скалони Испанияда йўл транспорт ходисаси (ЙТХ)га учради.

40 ёшли аргентиналик велосипедда сайр қилаётган пайтда уни машина уриб кетди.

Мураббийни турли жароҳатлар билан Son Espases номли университет касалхонасига олиб кетишди.

Воқеа тонгги соат 10да, Пуэрто Порталсдаги мактаб яқинида рўй берди. Автомобил орқага юраётиб, Скалонини уриб кетди.

Маълумотларга кўра, Скалонининг қоши ва кўзи жароҳатланган. Маълум бўлишича, мураббийни унинг дўсти уриб юборган ва бу эҳтиётсизлик туфайли содир бўлган. Ушбу иш билан полиция шуғулланмоқда.

Скалони футболчилик пайтида "Мальорка" шарафини ҳимоя қилган. Унинг ушбу шаҳарда уйи бор.

Ссылка :

Источник : Infobae

Получайте новости прямо в Telegram!

Рейтинг: -4