Арьен Роббен "Бавария"да қолмоқчи

Голландиялик футбол юлдузи Арьен Роббен ҳозирда жароҳатини даволаш билан банд. Футболчи немис нашрларига берган интервьюсида футболчилик фаолиятини “Бавария“ таркибида давом эттириш нияти бор эканлигини айтиб ўтди.
“Ўйлашимча, таҳминан яна уч йилча юқори даражада тўп тепа оламан. Бу даврни жон деб “Бавария“да ўтказган бўлардим. Бу ҳақда Румйенингега айтдим. У бўлса мазкур масала юзасидан кейинроқ бафуржа гаплашиб олишимизни айтди“, - дейди голландиялик футбол юлдузи.

“Жамоадаги вазият мени тўлалигича қониқтиради. Бу ерда ўзимни жуда яхши хис этаман. “Бавария“дек жамоанинг бир қисми эканимдан фахрланаман. Қолаверса, Мюнхен оиламга ҳам жуда ёқади. Аммо футболда нима бўлишини аввалдан билиб бўлмайди. Бу ёғини вақт кўрсатади. Ўзимга қолса фаолиятимни қолган қисмини ҳам Мюнхеда ўтказган бўлардим.“, - дея Мюнхен супер клуби сафида қолмоқчи эканлигини билдирди Роббен.

Эслатиб ўтамиз, Роббенинг амалдаги шартномаси 2015 йилда ўз поёнига етади.