АПЛнинг икки клуби бу мавсумни ҳақиқий эмас деб топишмоқчи
14 мар 2020 09:25
Новости

АПЛнинг икки клуби бу мавсумни ҳақиқий эмас деб топишмоқчи

Англия Премьер-лигаси вакиллари жорий мавсумни давом эттириш борасида якуний қарорга келишмади.

Кеча коронавирус пандемияси туфайли АПЛ, Чемпионшип, Лига 1 ва Лига 2 ўйинларини 4 апрелга қадар тўхтатиш ҳақида қарор қабул қилинганди.

The Athletic нашри хабарига кўра, АПЛнинг икки клуби бу мавсумни ҳақиқий эмас деб топишмоқчи.

Журналист Юэн Маккенна твиттердаги саҳифасида бу клублар «Тоттенхэм» ва «Вест Хэм» эканини ёзди. Кейинроқ твитни ўчириб юборди.

Бироқ кўплаб клублар мавсумни июль ойи охиригача бўлса ҳам тугатиб қўйишни исташмоқда.

Эслатиб ўтамиз, АПЛда 29-турдан кейин «Ливерпуль» пешқадам бўлиб турибди, клуб иккита ғалабага эришса чемпионликни расмийлаштиради.