АПЛ тарихидаги 5 та энг омадсиз трансфер

5.Андрей Шевченко. "Милан"дан "Челси"га катта мақсадлар билан олиб келинган Андрей Шевченконинг лондонликлар сафида ишлари юришмаган. У "Милан" сафида 208 та ўйинда 127 та гол киритган. "Челси"даги фаолияти давомида эса 9 мартагина рақиблар дарвозасини аниқ нишонга олган. Украиналик футболчи ўшанда 30,8 миллион фунт эвазига Туманли Альбионга кўчиб ўтганди. Шевченкони "Милан"даги фаолияти сабаблигина буюк футболчилар қаторига қўшишади, "Челси"даги ўйинлари учун эмас...

4.Марио Балотелли. Италиялик футболчи 16-ўйинга келибгина "қизиллар" сафидаги дастлабки голини киритишга муваффақ бўлган. 16 миллион фунт эвазига ҳарид қилинган футболчининг Англияга қайтиши муваффақиятли кечмади.

3.Фернандо Торрес. "Ливерпуль" юлдузи Лондонга кўчиб ўтганида ҳам ундан кўп нарса кутишганди. Бироқ, испаниялик тўп устаси ўзидан кутилган ўйинни "аристократлар" сафида намойиш эта олмади. 50 миллион фунт стерлинглик футболчи кейинчалик "Милан"га ижарага берилди. Сўнгра "Атлетико"га сотиб юборилди...

2.Энди Кэрролл. "Ньюкасл"дан 35 миллион фунт эвазига сотиб олинган "гигант" футболчи ҳам "қизиллар" сафида ўзига билдирилган ишончни оқлай олмаган.

1.Анхель Ди Мария. "Реал"дан 59,7 миллион фунт стерлингга сотиб олинган аргентиналик футболчи Луи ван Гал қўл остида ўз имкониятларини намоён эта олмади. Англиядаги муваффақиятсиз мавсумдан сўнг ПСЖ сафига бориб қўшилди.

Азиз Тўхтамуродов тайёрлади