АПЛ клуби ўзи учун рекорд маблағга трансфер амалга оширди
20 янв 2018 11:39
Новости

АПЛ клуби ўзи учун рекорд маблағга трансфер амалга оширди

ПСВ ҳужумчиси Юрген Локадия фаолиятини Англия Премьер-лигаси клуби "Брайтон"да давом эттиради.

Бу ҳақда инглиз клуби расмий сайти эълон қилди.

Инглиз клуби трансфер нархини ошкор қилмади, бироқ харид клуб тарихидаги рекорд маблағга амалга оширилгани айтилди. Инглиз ОАВнинг маълумотларига кўра, гап 16 млн. евро ҳақида кетмоқда. "Чайка"ларнинг аввалги рекорд трансфери 15 млн. евро эвазига амалга ошган. Ўтган йилнинг август ойида улар бу маблағга колумбиялик форвард Хосе Искьердони сотиб олишган эди.

ПСВ тарбияланувчиси бўлган Локадия жорий мавсум Голландия чемпионатининг 15та учрашувида 9та гол урди.