Анзур Исмоилов бугун терма жамоа сафида машғулот ўтказмади

Бугунги машғулотлар ҳам одатга кўра "Пахтакор" стадионида бўлиб ўтди. Унда "Чанчун Ятаи" клуби ҳимоячиси Анзур Исмоилов кўриниш бергани йўқ. Ҳимоячи Эрон билан ўйинда сариқ карточка олиб Хитойга қарши баҳсда майдонга тушмайдиган бўлди. Шу сабабли бўлса керак Исмоилов бугунги машғулотларда қатнашмади.

Хитой билан ўйинни дисквалификация туфайли ўтказиб юборадиган яна бир футболчи Александр Гейнрих эса машғулотларни четдан кузатиб турди.