Андрей Шипилов: "Футболчиларимнинг кўзида хоҳиш ва интилиш кўрмадим"

"Олтинчи турга қадар биз ҳам, "Навбаҳор" ҳам очколар жамғараётган эдик. Сафарда ғалабалар қозонгандик. Бугун оптимистик кайфиятда майдонга тушгандик. Наманган шаҳри жамоаси ўзи яратган барча вазиятларни голга айлантирди. Бугун бизнинг йигитлар ўйнашни истамагандек кўринди. Хоҳиш ва интилиш кучли бўлмади. Марказда оддий элементар хатоларга йўл қўйдик. 

Ҳозир қайноқ ҳароратда ва ҳиссиёт билан бирон бир нарса дейиш қийин. Эртага хотиржам футболчиларнинг ҳаракатларини таҳлил қилиб чиқамиз. Хатоларни кўриб хулоса чиқарамиз. Уйда мағлубиятга учраш доим ёқимсиз ва ҳунук. Ҳа, биз  мағлуб бўлдик. Буни тан оламиз. "Навбаҳор"ни ғалаба билан табриклайман. Футболчилар ва мураббийлар проффесионал. Мухлисларсиз битта биз ўйнаётганимиз йўқ. 

Бугун турнир жадвалидан келиб чиқиб гапирадиган бўлсак олтинчи турнинг марказий ўйини бўлди. Акбар Исматуллаевга эътирозим йўқ. У ўз даражасида ўйнамоқда. 

Журналистларни байрами билан табриклайман. Маълумотларни ва хабарларни етказиб беришда уларнинг ўрни беқиёс",- дейди Андрей Шипилов.