Андрей Микляев: "2017 йил ҳамма-ҳаммамиз учун омад ва бахт-саодат олиб келсин"
31 дек 2016 18:30
Новости

Андрей Микляев: "2017 йил ҳамма-ҳаммамиз учун омад ва бахт-саодат олиб келсин"

Азиз футбол мухлислари, мана секин-аста 2016 йил ҳам якунланиб бормоқда. Бир неча соатдан сўнг янги – 2017 йил кириб келади.

“Локомотив” футбол клуби вакиллари Янги Йил байрами муносабати билан сиз – азиз ишқибозларга байрам табриклари тайёрлашди. Жумладан, жамоамизнинг 2016 йилда мамлакат чемпионлиги ва кубогини қўлга киритишида улкан хисса қўшган мураббий Андрей Микляев футбол ишқибозларига қуйидагича байрам табригини йўллади.

— Қадрли футбол жамоатчилиги аҳли! Мен сизларни Янги Йил байрами билан чин қалбдан табриклайман ва барчангизга сиҳат-саломатлик тилайман. Ишонаманки, 2017 йил сиз-у биз учун фақат ва фақат улкан зафарлар олиб келади. Зеро 2016 йилда ажойиб лаҳзаларга гувоҳ бўлдик. 2017 йилда ҳам шундай чиройли ғалабалар бизга ҳамрох бўлишини ният қиламан. 2017 йил – ҳамма-ҳаммамиз учун омад ва бахт-саодат олиб келсин, барчага байрам муборак дўстлар, — дейди тажрибали мутахассис.