Андрей Канчельскис Қирғизистонда иш бошлаши мумкин

"Янги клуб билан музокаралар ўтказишим нормал ҳолат. Ҳозир музокаралар учун учиб кетяпман. Балки келаси ҳафтада янгиликлар бўлиб қолар. Аммо бу Европада эмас", - деди 54 ёшли мутахассис.

Ижтимоий тармоқлардаги маълумотларга кўра, мутахассис Қирғизистонда иш бошлаши кутилмоқда. Айни дамда Қирғизистон ФФ ўртоқлик ўйинларидаги натижалар сабабли Андрей Крестининнинг ўрнига бошқа мутахассис қидирмоқда. Канчельскис яқин вақтларда айнан миллий терма бош мураббийи бўлиши ҳам мумкин. Шунингдек, манбага кўра, "Абдиш Ота" жамоаси ҳам россиялик мураббийга алоқага чиққан.