RU

Последние новости

18:15"Манчестер Юнайтед" собиқ ҳимоячиси "Астон Вилла"га ўтмоқда  0 18:00АПЛ. "Брайтон" - "Манчестер Сити" 0:0 (матнли трансляция)  3 17:44Энцо Мареска: "Жароҳатларнинг кўплиги бежизга эмас"  0 17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  3 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  8 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4 13:35Аканжи "Манчестер Сити"ни Лондон клубига алмаштириши мумкин  0

Андрей Канчельскис: "Мураббийлар штаби билан вазиятни ўрганиб чиқамиз ва бир қарорга келамиз" Новости

Андрей Канчельскис: "Мураббийлар штаби билан вазиятни ўрганиб чиқамиз ва бир қарорга келамиз"

Суперлига 18-туридан ўрин олган "Бухоро" - "Навбаҳор" (0:0) ўртасидаги учрашувдан сўнг меҳмонлар бош мураббийи Андрей Канчельскис фикрларини билдириб ўтди.




"Икки бўлим икки хил таассурот қолдирди. Биринчи бўлимда биз кўпроқ тўпни назорат қилдик. Ҳавфли вазиятлар содир этдик. Бизнинг томонда ҳам, рақиб томонида ҳам вазиятлар етарлича бўлди. Йигитларнинг интилиши ва курашгани учун раҳмат айтаман. "Бухоро" ҳам сўнгги ўринда кетаётганига қарамасдан қўлни тушурмаяпти. Улар ҳам астойдил ўйнашмоқда. Иккинчи бўлимда голли вазиятлар яратишди. Менимча, биз гол уришга яқин келдик. Бўш дарвозага гол ура олмадик. Ҳужумни якуни йўқ, демак очко йўқ. Тўп дарвозага киришни истамади. Натижадан қониқиш ҳосил қилмадим. Нима ҳам дердим, ҳаёт давом этади. Энди танаффус, футболчилар терма жамоага йўл олишади. Фурсатдан фойдаланиб устоз ва мураббийларни байрам билан табриклайман. Танаффус бизга тикланиб олишимизга ёрдам беради, кўп футболчилар коронавирус билан касалланиб чиққан. "Бухоро"га ажойиб ўйин учун раҳмат айтаман. Рақиб курашмоқда, Суперлигада қолиш учун ҳаракат қиляпти. Ҳарактерга эга жамоа. Икки очко йўқотганимиз аламли албатта. Ишлашда давом этамиз, терма жамоадан чақирув олган футболчиларга омад тилайман. Турғунбоев ўзининг яхши ўйинлари билан терма жамоага ёрдам беришига тилакдошман",- дейди Канчельскис.

- "Навбаҳор" тўққиз турдан бери ғалаба қозона олмаяпти. Қаерда хатога йўл қўйилди?
- Муаммоимиз гол ура олмаётганимизда. Машғулотларда ҳаммаси яхши, ўйинга муносиб тайёргарлик кўряпмиз. Қайсидир маънода ўйинда фард кўринмаяпти, бошқа томондан омадимиз келмаяпти. Футболда омад ҳам муҳим аҳамиятга эга. Фақат футболда эмас бошқа соҳаларда ҳам омад зарур. Тўғри, гол ура олмаяпмиз. Дарвозамиздан гол ҳам ўтказиб юбормаяпмиз. Футболчилар ҳам ғалаба қозонишни истаяпти. Лекин, нимадир етишмаяпти. Юқорида айтганимдек фард йўқ.

- Сизнингча бугун ҳакамлар ўйин давомида кўп бор тўхталишларга қўл урдими?
- Ҳакамлар футбол ўйнашга қўйиб беришларини сўраб қолардим. Лекин, мен ҳакамларни ишини ортиқча муҳокама қилмоқчи эмасман. Уларни назорат қиладиган қўмита бор. Биз ўз ўйинимизни ўйнашимиз ва навбатдаги учрашувларга тайёргарлик кўришимиз керак. Қолган муаммоларни ўзимиз жамоа билан ҳал қиламиз.

- "Навбаҳор" мавсум якунида кучли учликка кира оладими?
- Биз учун ҳар бир тур финал. Учрашувларда вазиятлардан фойдалансак ва омадимиз келса мақсадимизга эришамиз. "Андижон" билан ўйинда урган голимизни ҳисобга олишмади. Бугун омадимиз келганида бир очко эмас уч очкога эга чиққан бўлардик. Танаффусда шу вақтгача нималар бўлганини ва қандай ишлар қилинганини таҳлил қиламиз. Пандемияда таркибимизни яримидан кўпи касалланди. Пандемияга қадар қандай ўйнаётган эдик ва ҳозир қандай ўйнаяпмиз. Биз ҳали тикланиб улгурмаганмиз. Бу нарсаларни баҳона қилмоқчи эмасман. Майдонга чиқишимиз ютишимиз ва очколарни ишлашимиз лозим. Мураббийлар штаби билан ҳотиржамликда вазиятни ўрганиб чиқамиз ва бир қарорга келамиз.

Рейтинг: -26   

Комментарии

championat.asia
< посмотреть последние новости
Яндекс.Метрика