Андрей Фёдоров: "Ютишимиз мумкин бўлган ўйинда мағлуб бўлдик"

"Обод"ни ғалаба билан табриклайман, лекин рақиб мендан хафа бўлмасин. Бу ҳақли ғалаба бўлгани йўқ. Биз ҳам ғалабага лойиқ ўйин кўрсатгандик, аммо омад мезбонларга кулиб боқди. Агар ҳисоб 1:1 пайтида Бобожонов гол урганида ғалаба биз томонда бўларди. Сўнгги сонияларда гол ўтказиб мағлуб бўлдик.

Алам қиладигани бундай мағлубият биринчи марта бўлгани йўқ.

Ўтказилган голларда Ўткир Юсуповни айбламаган бўлардим. Биринчи голда ўша ўйинчига ҳимоячи ва ярим ҳимоячиларимиз зарба беришга имкон қолдирмасликлари керак эди. Иккинчи голда эса рекошет бўлганди. Юсупов бир неча марта ажойиб сейвларни амалга оширганини ҳам унутманг.

Айтганимдек ютиб кетишимиз мумкин бўлган ўйинда ютқазиб қўйдик", - дейди Фёдоров.