Андрей Фёдоров: "Рашидовнинг агенти янги жамоа қидирмоқда"

- Биринчи навбатда йигитларга чиройли ўйин кўрсатгани учун раҳмат айтаман. Ўтказиб юборилган голдан кейин улар ўзларини йўқотиб қўйишмади. Улар характер кўрсата олишди ва ғалабани қўлга киритишди. Бир неча йиллардан буён чиройли ўйин кўрсатиб, юқори натижалар қайд этаётган жамоага ҳам руҳий юклама тушади. Буни ёмон ҳолатга йўйиб бўлмайди. ОЧЛни гуруҳ босқичиданоқ тарк этганимиздан кейин ҳам руҳий томондан чўкиб қолмаяпмиз. Тўғри, айрим вазиятларда футболчилар асабийлашиб кетмоқда. Шу боисдан кўплаб вазиятлардан фойдалана олмаяпмиз. Йигитлар ўтказиб юборилган голдан кейин олдиларидаги тўсиқни олиб ташлагани учун раҳмат айтаман.

Барча ишларни биргаликда бажаряпмиз, натижага мен жавоб беряпман. Ўзгаришларга тўхталадиган бўлсак, ўзимиз истаган, "Локомотив" даражасига тўғри келадиган, жамоа ўйинларини кучайтира оладиган футболчиларни топишимиз керак.

Рашидовнинг агенти янги жамоа қидирмоқда, бошқа жамоалардан тушадиган таклифларни кўриб чиқмоқда. Ҳозирданоқ уни "Локомотив"дан кетади дея олмайман. У биз билан йиғинларга боради. Сардорнинг ўйинларидан кўнглим тўлмоқда. Уни янада қаттиқроқ тайёрлашимиз лозим, шунингдек, унинг ўзида ҳам интилиш бўлиши керак. Унинг ўйинларидан завқ олса бўлади. Унинг агенти бошқа жамоа қидирмоқда, бироқ ҳозирда у "Локомотив" футболчиси.

20 июнда Белорусга учиб кетамиз ва учта ўйин ўтказамиз. У ердан келиб, чемпионатга тайёрланамиз.

Нивалдо: "Бундай рақиблар билан ўйинлар оғир ўтади. Жамоа футболчиларида характер бор, шу боисдан ҳар доим ғалабани хоҳлаймиз.

Кам гол уряпман? Чунки кам ўйнаяпман, жароҳат олдим, дисквалификация қилиндим. Ўйин амалиёти кам бўлганлиги учун ритмдан чиқиб кетдим. Энди ҳаммаси яхши бўлади деб умид қиламан"