Андрей Фёдоров: "Локомотив"да бу йил шароитлар янада яхши бўлади"

- Биринчидан, мавсумнинг бунчалик эрта бошланишига унчалик кўникмаганмиз. Мавсумолди йиғинларида учрашув учун қаттиқ тайёргарлик кўрдик. Шу боисдан кўрилган тайёргарликнинг мевасини эртага кўрсатмоқчимиз. Йигитлар ўзларининг профессионал хислатларини намойиш этишлари лозим, дейди Андрей Фёдоров. 

- Бу ўйин мен учун алоҳида аҳамиятга эга. Биринчи марта ОЧЛ саралаш ўйинида қатнашяпман. Учрашувда ғалабага эришиб, гуруҳ босқичига йўлланма олмоқчимиз. Учрашувга яхши тайёргарлик кўрдик, дейди Игнатий Нестеров.

- Сизда янги ўйин услуби, янги фалсафа борми?

- Албатта янги услублар бор. Ҳар доим рақибга қараб ўйнаш қийин бўлади. Таркибимизда катта ўзгаришлар бўлди. Шу боисдан вазиятдан чиқиб кетиш керак бўлади. Эртанги ўйинда эса мавсумда қандай режалар тузганимизни кўриб оласиз.

- Рақиб ҳақида нима дея оласиз?

- Рақибларнинг "Қўқон"га қарши ўйинини томоша қилдик. Бироқ рақибларни ўрганиш учун кўп ҳам имконият бўлмади. Менимча, "Истиқлол"да ҳам "Локомотив" борасидаги маълумоти биздаги каби маълумотлар кам. "Истиқлол" бир неча бора ОФК кубоги финалларида ўйнаган. 

- Жамоага кўплаб эски футболчилар қайтишди. Бу кимнинг ташаббуси.

- Эски футболчиларни қайтариш - менинг ишим. Уларнинг сифатлари, ҳаракатлари менга ёқади. Янги  олиб келиш клубнинг бюджети ва мураббийнинг хоҳишига боғлиқ бўлади.

- "Локомотив"да молиявий инқироз йўқми?

- Йўқ. Бизда бундай ҳолат бўлмаган ва бўлмайди ҳам. Раҳбарият бу йил янада яхши шароит яратиб беришга ваъда берди. 

- Бу битта ўйиндан иборат. Бу сизларга устунлик берадими?

- Одамлар уй ва сафарда ўйинлар бўлишини исташади. Тўғри бу адолатли эмас,  аммо буни биз ўйлаб чиқармаганмиз.