Андрей Фёдоров: “Иккинчи даврада “Нефтчи” янада кучаяди”

-  Қийин учрашув ўтказдик.  Баҳс стартидан қониқмадим. Очиғи, ўйинни ҳужумкор руҳда ўтказишни режа қилгандик. Бироқ беллашув тўлиқ режаларимиз остида ўтмади. Рақибни ўрганиб чиққандик. Бекободликлар мана шундай темпи  паст баҳсларда рақибнинг эътиборсизлигидан кўп марта ижобий фойдаланади. Ўйин борасида яна нима дейиш мумкин? Вазиятлар кўп бўлмади. Иккинчи бўлим охирида йигитлар ҳисобни ушлаб қолиш важида бироз хаяжонга берилишди. Лекин шахсан мураббий сифатидан футболчиларнинг бугунги ўйиндан қониқдим.

-  Қачон “Нефтчи”да Анвар Бердиевдек етакчи ҳужумчиларни кўрамиз?
-  Бердиев сингари ҳужумчилар нафақат бизда, балки бутун Ўзбекистонда муаммо бўлмоқда. Билсангиз, Умид Исоқовдек етакчи ҳужумчилар “Нефтчи”да фаолият олиб бориб, голни ҳис қилишдек қобилятига эга эди.  Афсуски, бугунги кунда бундай ҳужумлар кам. Ҳужумчиларимиз билан ишлаяпмиз. Машғулотларда уларга мунтазам тавсиялар бериб боряпмиз. Умид қиламанки, иккинчи даврадан “Нефтчи” ҳужумчиларининг ўйинлари янада кучаяди.

-  Иккинчи даврага режалар қандай? 
-  Режалар оддий. Иккинчи даврага жиддий тайёрланамиз ва ҳар бир баҳс ғалаба қозонишга ҳаракат қиламиз. Навбатдаги даврада “Нефтчи” янада кучаяди, - деди Фёдоров

  “Нефтчи” матбуот хизмати