Андреа Пирлонинг Федерико Бернардескидан қандай мақсадда фойдаланмоқчи эканлиги маълум

“Ювентус” устози Андреа Пирло жамоа ярим ҳимоячиси Федерико Бернардескидан ўнг қанот ҳимоячиси сифатида фойдаланишни кўзламоқда. Пирло 26 ёшли футболчининг қанот ҳимоясида тўп тепа олишига ишонмоқда. Бернардески бир неча кун олдин жароҳатидан фориғ бўлиб машғулотларга қайтди. Қайд этиш жоиз, Федерико бутун фаолияти давомида ярим ҳимоя ва ҳужум чизиғида ҳаракат қилиб келган. 

Ҳозирча футболчи жорий мавсум “Ювентус” сафида битта ҳам ўйинда қатнашгани йўқ.