Андре Силва "Тоттенхэм"да Кейннинг ўрнини эгаллаши мумкин

Лондон клуби португалиялик футболчини жамоадан кетиши мумкин бўлган ҳужумчи Харри Кейнга ўринбосар сифатида кўрмоқда.

Англиялик футболчи ёзда "Тоттенхэм"дан кетишни хоҳлаганди, аммо клуб раҳбарияти уни қўйиб юборишни рад этди. Томонлар ҳозирда янги шартнома бўйича музокаралар олиб боришмоқда, аммо Кейн янги келишувда харид қилиш банди бўлишини талаб қилмоқда. Айнан шу сабаб "шпорлар" раҳбарияти унга ўринбосар қидирмоқда.

Эслатиб ўтамиз, Силва "РБ Лейпциг"га ёзда "Айнтрахт"дан 25 миллион евро эвазига ўтган эди. У жорий мавсум Бундеслига доирасидаги 5та ўйинда майдонга тушиб, 1та гол ва 1та ассист қайд этди.