“Андижон”: Эртага “Обод” билан ўйин

Жамоа аъзолари бугун эрталаб “Футбол-МЕД” тиббий кўригидан ўтказилди. Тушликдан сўнг эса “Бунёдкор” академиясига қарашли сунъий майдонда машғулот бўлиб ўтди. Айтиш лозимки, бу Бахтиёр Ашурматовнинг янги жамоасидаги илк машғулоти эди. Янги мураббий жамоага ўзгача муҳит олиб кирганини пайқаш қийин эмас. Ҳар йили профессионал футбол лигаси томонидан тақдим этиладиган янги тўплар ҳам жорий мавсум учун бугун олиб келинди ва машғулотда футболчилар янги тўп билан ишлади. Машғулотга чиқишдан олдин “Macron” спорт фирмасининг эпикировкаси жамоа аъзоларига тақдим этилганини ҳам айтиш лозим. 

Қолаверса Бахтиёр Аъзамовичга мураббийлар штабида кимлар ёрдам бериши маълум бўлди. Унга кўра, Зоҳид Нурматов, Шуҳрат Мақсудов ва Камол Жўнашев бу йил “Андижон” мураббийлар штабида фаолият юритади. Дарвозабонлар мураббийи борасида ҳозирча аниқ бир тўхтамга келинмади. 

Мураббийлар штаби айни дамда таркибдаги барча футболчиларни синчиковлик билан кузатмоқда. Эртага “Обод”га қарши кечадиган баҳсдан кейин айрим футболчиларга жавоб берилиши мумкин. Эслатиб ўтамиз “Обод” билан ўйин “Обод” стадионида соат 11:30да бошланиши режалаштирилган. 

"Андижон" ФК матбуот хизмати.