Анчелотти "Реал"нинг янги форвардини мақтади

"Реал" бош мураббийи Карло Анчелотти ҳужумчи Хоселунинг ўйинига юқори баҳо берди.

"Бу йигит олдинда яхши ўйнайди, рақибга доим хавф туғдиради. У жамоага фойда келтиради. Хоселу муҳим позицияда ўйнайди, бизда бошқа бундай сифатга эга футболчилар йўқ. Бизга аввалги мавсумларда ана шундай футболчи етишмаётганди", – деди тажрибали мутахассис.

Хоселу ёзда ижара асосида "Эспаньол"дан "Реал"га ўтди. 33 ёшли ҳужумчи шу кунгача Ла Лигада 5 та ўйин ўтказиб, 2 та гол урди ва 1 та голли узатмани амалга оширди.