Анчелотти: "Реал" биринчи таймда зўр ўйнади, иккинчисида эса ҳаракатчанликни пасайтирди"

Мадрид клуби чемпионатни ғалаба билан бошлади. 2:0 ҳисобида якунланган учрашувда голларни Родриго ҳамда Жуд Беллингем киритди.

"Биринчи бўлим жуда зўр ўтди, ҳаракатчанлик катта бўлди, муваффақиятга ҳам эришдик: гол урдик, иккинчисини ҳам. Бироқ иккинчи бўлимда ҳаракатчанликни пасайтириб, ўйинни назорат қилишга ўтдик. Лекин биринчи бўлим биз учун зўр ўтди.

Футболчилар эътиборли ва иштиёққа тўла бўлиб ўйнашди, биз жамоавий иштиёқ намойиш қилдик, кўплаб яккакурашларда ғолиб бўлдик, биргаликда ҳимояландик, қуруқ ҳисоб - энг ижобий ҳолат. Бу биз учун эътиборли баҳс бўлди: биринчи бўлимни юқори даражада ўтказиб, иккинчи бўлимни назорат қилдик.

Беллингем? У зўр футболчи, характери бор, бу ерда эканлигидан жуда хурсанд, биз учун жуда муҳим трансфер бўлди", - деди Анчелотти.