Альваро Моратанинг "Ювентус"га, туринлик "тиффозилар"га ёзган мактуби

- Барчага салом! Ишонинг буни сизларга ёзиш мен учун осон эмас. Биринчи навбатда "Ювентус"да менга ишонч билдирганларга, мени қўллаб-қувватлаганларга, менга нисбатан яхши муносабатда бўлиб, "Ювентус"да ўзимни бахтли ҳис қилишимга ёрдамлашган инсонларга раҳмат айтмоқчиман.

Клуб президенти Андреа Аньелли, Павел Недвед, Жон Элканн, Жузеппе Маротта, Маттео Фабрис, Фабио Паратичи, Хавьер Рибалту сингари инсонларга катта раҳмат дейман!

"Ювентус"да ишлайдиган ҳаммадан миннатдорман! Шифокордан тортиб ошпазича, оддий ходимидан тортиб клуб президентига қадар раҳмат!

Массимилиано Аллегрига менга ишонч билдиргани учун миннатдорчилик билдираман. Аллегри мени ўз кучимга бўлган ишончни оширди, мени футболчи сифатида катта ўсишга эришишимда муҳим роль ўйнади. "Ювентус" футболчилари, жамоа сардори мен учун қайғурди. Бутун жамоадошларимга минг ташаккур. Улар билан унутилмас дақиқаларни бирга ўтказдик. Катта ютуқларга эришдик.

"Ювентус" ишқибозлари, бу жамоанинг бутун дунёдаги мухлисларига алоҳида раҳмат! Уларнинг чексиз муҳаббатларини доимо ҳис этиб тураман.

Мен "Ювентус"нинг бир бўлаги сифатида қоламан. Клуб тарихидан жой олдим, деб ўйлайман. Қаерга кетмай, қайси клубда ўйнамай ўзимни "Ювентини"дек ҳис этавераман.

Мен "Ювентус"да ўйнаганимни баланд овозда, бемалол катта фахр билан айтишим мумкин.

"Ювентус" оиласининг бир бўлаги бўлиш бахтига муяссар этган ҳаммага чексиз миннатдорчилигимни билдираман. Барчага катта раҳмат!

Ҳурмат билан Альваро Мората!