Аллегри “Ювентус”га қайтади. Пирлонинг истеъфоси “Удинезе” билан ўйиндан кейиноқ эълон қилиниши мумкин
28 апр 2021 19:20
Новости

Аллегри “Ювентус”га қайтади. Пирлонинг истеъфоси “Удинезе” билан ўйиндан кейиноқ эълон қилиниши мумкин

Sport Mediaset ёзишича, Массимилиано Аллегри “Ювентус” Андреа Пирлонинг ўрнини эгаллайди.

Манбага кўра, Пирлонинг кетиши борасидаги қарор қабул қилиб бўлинган. Мураббий жамоа билан А Серияда кучли тўртликка кириб, ЕЧЛ йўлланмасини қўлга киритса ҳам мавсум охирида кетади.

Аллегри 2 йил олдин туринликларни бошқарган ва лавозимини тарк этганидан бери ишсиз ҳисобланади.

Агар “Юве” Италия чемпионати 34-туридан ўрин “Удинезе”га қарши ўйинда ютқазса, Пирло мазкур баҳсдан кейин истеъфога чиқарилади. Унинг ўрнини эса вақтинчалик Игор Тудор эгаллайди.

Қайд этиш жоиз, “кекса сеньора” спорт директори Фабио Паратичи Пирло “Ювентус”ни Чемпионлар Лигасига олиб чиқса, у жамоада мураббий бўлиб қолишини айтганди

Ссылка :

Источник : Sport Mediaset

Получайте новости прямо в Telegram!

Рейтинг: +13