Аллегри: "Жуда ёмон ўйнадик"

"Учрашувнинг дастлабки 20 дақиқасини яхши ўтказдик, кейин бесабаб ортга паслар кўпайиб кетди. Иккала голни ҳам ўтказиб юбормасак бўларди. Айрим жойларда рақибдан устунлик ҳам қилгандик, бироқ якуний қарорларимиз нотўғри бўлди. Якунда бунга катта тўлов тўладик.

Бундан чиқиб кетишимиз керак, сешанба куни бизни муҳим учрашув кутиб турибди. А Сериядаги ҳолатни ўзгартириш учун бизда вақт етарлича. Ҳозирча сафарда ғалабага эришганимиз йўқ, буни тўғирлаш керак.

Ўйлайманки, техник томондан биз жуда ёмон ўйнадик, айниқса 2-бўлимда. Рухан синиб қолдик, кўплаб хатога йўл қўйдик. Нимадир дейишга ҳам хайронман. Бундан чиқиб кетишимиз шарт. Бу ўйин ЕЧЛдаги баҳсимизга таъсир қилмаслиги керак", - деди Аллегри.