Аллегри: "Бир томондан Европа лигасида қатнашишдан хурсанд бўлишимиз керак"

Жамоа 6 та тур якунига кўра гуруҳда 3-ўринни олди ва Европа лигасига тушиб кетди. 

"Гарчи халқаро ўйинларда тажрибалари бўлмасада, майдонга яхши футболчиларни туширдим. Биз яхши ўйнадик, аммо натижа ҳафа қилмоқда. 

Биз Европа лигасидамиз, эртадан эса эътиборимизни А Серияга қаратамиз. 

Бир томондан Европа лигасига чиққанимиздан хурсанд бўлишимиз керак, бошқа томондан Чемпионлар лигаси плей-оффида қатнаша олмаслигимиздан ҳафа бўламиз. 

Бизда жароҳатлар билан боғлиқ муаммолар бор эди. Бошқа иложимиз йўқ. Якшанба куни Италиянинг кучли жамоаларидан бири - "Интер"га қарши ўйин бор. Бу муҳим баҳс бўлади", - деди "Ювентус" устози.