Алексис Санчес дербидан нима кутаётганини билмаяпти

- "Тоттенхэм" билан бўладиган баҳс юқори тезликда ўтади.  Мен кўп маротаба дерби мақомидаги ўйинларда иштирок этганман. Аммо эртанги дерби қандай кечиши ва ундан нима кутаётганимни билмайман. Биз кўпроқ тўпни ўз назоратимизда ушлаб туриб қисқа паслар орқали ўйнашни хуш кўрамиз. Лекин "Тоттенхэм"га қарши баҳсда қарши ҳужумда ҳам самарали ўйнашимиз талаб этилади.

Жамоамиз ишқибозлари фақат ва фақат ғалабани кутишади ва биздан шуни талаб қилишади. "Тоттенхэм" жамоаси шунчаки навбатдаги рақиб эмас. Уларнинг қандай кучга эга эканлигини билиб, тушуниб турибмиз. Эртанги учрашувда бутун жамоадошларим билан бор кучимизни майдонда сарф этишимиз лозим.