Алексей Евстафеев “Обод”га ўтади...ми?

Катта эҳтимол билан жамоада яқин орада таниқли мураббий иш бошлаши кутилмоқда. Бу борада раҳбарият бир нечта номзодларни кўриб чиқаётгани айтилаётир.

Аммо олинган сўнгги маълумотларга кўра, “Обод”нинг бошқарув постига Алексей Евстафеев келиши кутилмоқда. Сўнгги икки йилдан буён “Нефтчи”да ёрдамчи мураббий сифатида фаолият юритиб келаётган Евстафеев янги мавсумдан бош мураббий ролида гавдаланиши мумкин. Чунки ушбу мураббий яқинда клуб офисига келиб, раҳбарият билан музокара ўтказиб қайтган. Лекин бу ҳақда расмий хабар йўқ. Номзодлар орасида Вадим Абрамов, Сергей Лушан номлари ҳам бор эканлиги айтилаётир. Бизнингча жамоага келадиган ҳар қандай мураббий Бобур Зуҳриддинов билан ҳамкорликда иш олиб боради. Сабаби 23 ёшли мураббий гарчи тегишли лицензияга эга бўлмасада шу кунгача “Обод”нинг муваффақиятларига сезиларли даражада ҳисса қўшиб келмоқда.