RU

Последние новости

22:00Ҳаким Зиеш "Севилья"га ўтиши мумкин  0 21:30Ромелу Лукаку декабргача майдонга қайтмайди  0 21:00Файзуллаевнинг кайфияти чоғ, Ғаниевдан ўткир нигоҳлар. Ўзбекистон терма жамоасининг Эрон билан ўйиндан олдинги расмий машғулотидан галерея  6 20:40"Пахтакор" ўз уйига қайтган норасмий ўйинда "Олимпик"дан устун келди  3 20:09Азизбек Турғунбоев: "Эрондан алам оладиган вақт келди"  3 19:56Абдувоҳид Неъматов, Шерзод Насруллаев ва Умар Эшмуродов терма жамоа лагерини тарк этди  14 19:30Эрон билан рақобатнинг бошланиши. Али Дайига аталган ва Ўзбекистон форсларга йирик ҳисобда енгилган ўйинни ёдга оламиз  13 18:59Тимур Кападзе: "Сергеевдек ҳужумчимиз борлигидан хурсандман"   9 18:25Кевин де Брюйне Конте ва Гвардиолани таққослади  0 17:55"Байер" бош мураббийлиги учун янги номзод пайдо бўлди  3 17:25Усмон Дембеле нима учун "Барселона"да кўп жароҳат олган?  5 16:55Мбаппе Чемпионлар лигасининг фаворити ҳақида гапирди  2 16:25Швайнштайгер Германия терма жамоасини танқид қилди  3 16:13Муҳаммадрасул Абдумажидов легионерга айланмоқда  13 15:32Ўзбекистон миллий терма жамоаси Эронга қарши қандай либосда майдонга тушиши маълум бўлди  12

Алексей Евстафеев: «Мақсадимиз битта – финал босқичи йўлланмасини қўлга киритиш» Новости

Алексей Евстафеев: «Мақсадимиз битта – финал босқичи йўлланмасини қўлга киритиш»

Ўзбекистон ёшлар терма жамоаси бош мураббийи Алексей Евстафеев шогирдларининг мусобақа тайёргарлиги, шунингдек, рақиб жамоалар ҳақидаги фикрларини журналистлар билан ўртоқлашди.
3 октябрь, пайшанба куни Доҳадаги Wyndham Grand Regency меҳмонхонасида ёшлар ўртасидаги 2014 йилги Осиё чемпионати «А» саралаш гуруҳида иштирок этадиган терма жамоа бош мураббийлари иштирокидаги матбуот анжуманлари бўлиб ўтди. Жумладан, Ўзбекистон U-19 ёшлар терма жамоаси бош мураббийи Алексей Евстафеев ҳам маҳаллий ва хорижлик журналистларнинг бўлажак баҳслари тўғрисидаги саволларига жавоб берди.

«Саралаш баҳсларида иштирок этаётган барча жамоалар каби, биз ҳам ўз олдимизга ягона мақсадни қўйган ҳолда бу ерга келганмиз – Осиё чемпионати финал босқичини қўлга киритиш. Ушбу мақсад рўёби учун барча иштирокчилар яхши тайёргарлик кўргани ҳам аниқ. Биз барча рақибларимизни ҳурмат қиламиз ва, айни вақтда, барча учрашувларда ғалаба учун тўп сурамиз. Мусобақа арафасида эса барча жамоаларнинг имкониятини тенг баҳолаган бўлардим», - деди ўзбекистонлик ёшлар устози.

«Саралашдаги дастлабки ўйинимиз Туркманистонга қарши кечади. Биринчи тур ўйинларида томошабин сифатида иштирок этишимиз, қайсидир маънода, бизнинг фойдамизга ҳам ишлайди – биз Туркманистоннинг камида битта ўйинини кўришга муваффақ бўламиз. Шундан келиб чиқиб, 6 октябрь куни қандай режа асосида тўп суришимизни янада аниқлаштириб оламиз», - деди Евстафеев.

«Бизда барча рақибларимиз тўғрисида, батафсил бўлмаса-да, етарли даражада ахборотлар бор. Хусусан, Ҳиндистон ёшлари терма жамоаси ҳақида гапирадиган бўлсам, уларда яхши мутахассис иш олиб бормоқда. Колм Тоални Ўзбекистонда ишлаган даврларидан бери биламан, бундан ташқари у билан ёшлар ўртасидаги 2011 йилги саралаш баҳсларида ҳам тўқнаш келгандик. Сўнгги йилларда унинг қўл остидаги жамоаларнинг натижалари яхшиланиб бормоқда ва ушбу мутахассис ҳар вақт жамоаларни яхши тайёрлай билган», - деди Ўзбекистон ёшлар терма жамоаси бош мураббийи.

«Терма жамоа ташкил этилганидан бери, деярли ҳар ой ўқув-машғулот йиғинлари ташкил этилди. Йиғинлар доирасида бир қатор халқаро ўртоқлик учрашувлари ўтказишга ҳам улгурдик. Жумладан, март ойида БААда ташкил этилган «Emirates Cup» мусобақасида иштирок этиб, БАА, Саудия Арабистони ва Қатар ёшлар терма жамоасига имкониятни бой бергандик. Бироқ у вақтда жамоа энди ташкил этилгани учун ҳам, учрашувларда натижа муҳим бўлмаган. Шунингдек, сентябрь ойида Япония ёшларига қарши Тошкентда иккита назорат ўйини ўтказдик», - дея қўшимча қилди Ўзбекистон ёшлар терма жамоаси бош мураббийи Алексей Евстафеев.

Шунингдек, 3 октябрь куни «А» саралаш гуруҳида иштирок этувчи бошқа терма жамоаларнинг бош мураббийлари ҳам журналистларнинг саволларига жавоб беришди.

Ўзбекистон ёшлар терма жамоаси саралаш босқичи доирасидаги илк учрашувини 6 октябрь, якшанба куни Туркманистон ёшларига қарши ўтказади. Ўзига хос «Ўрта Осиё дербиси»да ўзбекистонлик ёшлар кўк рангли либосларда ҳаракат қилишади.
Рейтинг:    

Комментарии

championat.asia
< посмотреть последние новости
Яндекс.Метрика