Александр Токов "Краснодар" иш бошлади!

2012 йил бутсаларини михга илиб, мураббийлик фаолиятини бошлаган собиқ ҳимоячининг мураббийликдаги дастлабки иш жойи Тошкентнинг "Оқ-тепа" жамоаси бўлди. Ёш мутахассис 2013 йилги мавсумда клубга бош мураббийлик қилди. Мавсум якунлангач истеъфога чиққан Александр Султанович маълум муддат юртимизда болалар билан ишлади. 2015 йилнинг куз ойида Россия федерациясининг Краснодар шаҳрига яшаш учун кўчиб кетган Токов шу кунларда яна болалар футболидаги фаолиятини давом эттира бошлади. Аниқроғи, "Краснодар" футбол клуби академиясида таҳсил олаётган болаларга миллионлар ўйинининг илк сир-асрорларини ўргатмоқда. Бу ҳақида унинг ўзи бизга маълум қилди. Биз собиқ ҳамюртимизнинг мураббийлик фаолиятига омад тилаб қоламиз.