Александр Алумона "Навбаҳор"дан кетди

Режага кўра, соат 16.00 да "Динамо" ўйингоҳида "Навбаҳор" машғулот ўтказади. Таркибдаги янгиликлар ҳусусида тўхталадиган бўлсак, "лочинлар" сафида кўрикдан ўтаётган Александр Алумонага мураббийлар штаби ўз юртига қайтиб кетишга рухсат берганини таъкидлаш лозим. Футболчининг ҳаракатлари мутахассисларни қониқтирмагани боис шу қарорга келинган. Шунингдек сўнгги пайтларда турли электрон ОАВларда ва мухлислар орасида ҳужумчимиз Шаҳбоз Эркиновнинг жамоадан кетганлиги борасида тарқалган миш-мишлар асоссиз эканлигини билдириб ўтиш лозим. Футболчи бетоблиги боис назорат ўйинларида майдонга тушмаган. Жамоада рўй бераётган ўзгаришлар борасида расмий сайтимизда хабар бериб борамиз.