Алекс Фергюсон ва Арсен Венгер АПЛ шон-шуҳрати залига киритилди

МЮ ва "Арсенал" собиқ бош мураббийлари Алекс Фергюсон ва Арсен Венгер АПЛ шон-шуҳрати залига киритилди. Икки мутахассис бундай шарафга эга бўлган илк мураббийлар ҳисобланишади.

Фергюсон ва Венгердан ташқари Алан Ширер, Тьерри Анри, Эрик Кантона, Рой Кин, Фрэнк Лэмпард, Деннис Бергкамп, Стивен Жеррард, Дэвид Бекхэм, Пол Скоулз, Дидье Дрогба, Венсан Компани, Серхио Агуэро, Патрик Виейра, Уэйн Руни, Иан Райт ва Петер Шмейхель ҳам Премьер лига шон-шухрати залига киришга муваффақ бўлишган.

Маълумот учун, Фергюсон 1986 йилдан 2013 йилга қадар МЮни бошқарган ва 13 марта мамлакат чемпиони бўлган. Умумий ҳисобда эса Сэр Алекс 38 та соврин ютган. Арсен Венгер эса "Арсенал"ни 1996-2018 йиллар оралиғида бошқарган. Венгер бошчилигида "тўпчилар" уч марта чемпион бўлишган ва умумий ҳисобда 14 та совринга эришишган.