Алекс Фергюсон: "Роналду ЖЧ-2026да ўйнашини тасаввур қила олмайман"
04 июл 2024 16:06
Новости

Алекс Фергюсон: "Роналду ЖЧ-2026да ўйнашини тасаввур қила олмайман"

Теги : Криштиану Роналду Сэр Алекс Фергюсон

"Манчестер Юнайтед" собиқ бош мураббийи сэр Алекс Фергюсон португалиялик ҳужумчи Криштиану Роналдунинг келажаги ҳақида гапириб ўтди.

"Шаҳсан мен, Роналду 2026 йилдаги жаҳон чемпионатида ўйнашини тасаввур қила олмайман.
Яқин йилларда футбол янада тезлашади ва жисмоний талаблар ошади, ҳужумчилар учун бўш зоналар эса камаяди. Ҳимоячилардан фарқли ўлароқ, ҳужумчилар ёши ўтгани сари топ даражада ҳаракат қилиши қийинлашиб боради.
Яна битта ёки иккита соврин Роналду учун катта аҳамиятга эга бўлмайди, деб ҳисоблайман. Криштиану шундоқ ҳам ноёб фаолият соҳиби ҳисобланади", - деди сэр Алекс "Bild"га берган интервьюсида.

Аввалроқ, 39 ёшли Роналду ҳозир ўтаётган "Евро" ўзи учун охиргиси эканлигини маълум қилиб, ЖЧ-2026дан умид узмаганига шама қилганди.