Альба “Атлетико”га ўтади..ми?

32 ёшли футболчига Мадриднинг “Атлетико” клуби қизиқиш билдирмоқда. Бу ҳақда AS нашри хабар тарқатди. Нашр хабарига кўра, мадридликлар чап қанот ҳимоячисини излашмоқда ва бу жойга Альба муносиб номзод сифатида кўрилмоқда.

Футболчининг каталонияликлар билан амалдаги шартномаси 2024 йилнинг ёзига қадар мўлжалланган. Жорий мавсумда у Испанияда 35 та учрашувда майдонга тушиб, учта гол уришга эришди.

Альба 2012 йилдан буён “Барселона” шарафини ҳимоя қилиб келмоқда. У жамоа билан бешмарта Испания чемпионлиги ва кубогини қўлга киритган. Шунингдек, ЕЧЛ ва УЕФА суперкубогида ғолиб чиққан. Жорди “Барса”га келгунига қадар “Валенсия” ва “Химнастик” сафида тўп тепган. Transfermarket портали футболчининг трансфер нархини 25 миллион еврога баҳоламоқда.