"Ал Наср" - "Бунёдкор". Муҳаммад Бин Жаҳари биз учун қанчалик омадли ҳакам?
23 фев 2015 17:24
Новости

"Ал Наср" - "Бунёдкор". Муҳаммад Бин Жаҳари биз учун қанчалик омадли ҳакам?

Эртага ОЧЛ 1-туридан ўрин олган "Ал Наср" - "Бунёдкор" ўйини бўлиб ўтади. ОФК ушбу баҳсга сингапурлик Муҳаммад Тақи Алжафари Бин Жаҳари бошчилигидаги ҳакамлар бригадасини тайинлади.

1986 йилда туғилган бу ҳакам халқаро фаолиятини 2012 йилда бошлаган. Ўтган йилдан бошлаб ОЧЛда ишлай бошлаган ҳакам клубларимиз иштирокидаги ўйинларда умуман ишламаган. Ўзбекистоннинг турли ёшдаги терма жамоаларининг 4та ўйинини бошқарган.

2012 йил Вьетнамда ташкил этилган мусобақада Ўзбекистон ёшлар U-19 терма жамоаси иштирок этган. Ўша мусобақанинг гуруҳ босқичида Австралия (2:1) ва Вьетнам (4:0) мағлуб этилган. Финалда эса Эронга имконият бой бериб қўйилган (1:2). Ушбу учрашувларни сингапурлик ҳакам бошқарган.

Ўтган йил Уммонда бўлиб ўтган U-22 Осиё чемпионати гуруҳ босқичида Саудия Арабистонига 0:1 ҳисобида ютқазиб қўйганимизда ҳам Муҳаммад Бин Жаҳари бош ҳакам бўлганди.

Эслатиб ўтамиз, "Ал Наср" - "Бунёдкор" учрашуви 24 февраль куни Тошкент вақти билан соат 22:25да бошланади.

Ссылка :

Источник : championat.asia

Получайте новости прямо в Telegram!

Рейтинг: