“Ал Ҳилол” “Пахтакор” стадионида машғулот ўтказди

Хабарингиз бор, эртага “Бунёдкор” айнан шу жамоага қарши ОЧЛнинг 1/8 финалидан ўрин олган дастлабки баҳсда майдонга тушади.

“Ал Ҳилол”нинг ўйинолди расмий машғулотида Тошкентга келган барча ўйинчилар иштирок этишди. Жамоа сафида асосий ўйинчилардан биргина бразилиялик Тьяго Несвес жароҳат олган ва у Тошкентга келгани йўқ. Қолган футболчиларнинг барчаси соғ.

“Ал Ҳилол” таркибида Ёсир Ал Қаҳтони (жамоа сардори), Муҳаммад Ал Шулҳуб, Носир Ал Шамрони, Квак Тай Хви, Дигао, Сауд Харири, Кастильо сингари ўзига яраша таниқли ўйинчилар бор. Клубни Саудия футболининг номдор юлдузларидан бири Сами Ал Жабер бошқармоқда. Ўйлаймизки, эртанги баҳс қизиқарли кечади.

Х.Холиқов.