Акмал Саитқулов: "Асрор Алиқулов тез кунларда жамоамизга қайтади"

Ўйин ҳақида

- Бугун жамоамиз ҳужумда яхши ўйин намойиш этди деб айта оламан. Бизда қизил карточка ва жароҳатлар туфайли йўқотишлар бор эди. Шу сабаб бугунги ўйин давомида 4 нафар ҳимоячи билан ҳаракат қилдик. Бугунги ғалабада Асрор Чориевичнинг хизматлари катта, у киши даволанаётгани сабаб бугун биз билан эмас эди. "Нефтчи"га қарши ўйинда қарши қўллаган қарши ҳужум услубимиз иш берди.

- "Шўртан"дан тақиқни олиб ташлангани жамоа руҳиятига қандай таъсир қилди?

- Албатта жамоамиз қийин вазиятда этди. Бунга клубимиз раҳбарияти қараб туришмади, муаммонинг ечими устида ишлаб бартараф этилишишига астойдил ёндашишди. Биз ҳам бу ҳақида эшитдик, йигитлар шундан илҳомланиб қўрқмасдан олдинга боришди. Натижада бугун мавсумдаги илк ғалабамизни қўлга киритдик. Раҳбариятга жамоамиз номидан раҳмат айтамиз.

- Асрор Алиқулов қачон мураббийлик курсисига қайтади?

- Асрор Чориевич насиб бўлса бир ҳафта, узоғи билан 10 кун ичида жамоамизга қайтади.

- Жамоага 10 нафар атрофида футболчилар жалб этилади деб эшитдик. Бу маълумот қанчалик тўғри? Бундан ташқари "Истиқлол" ва "Насаф"дан футболчилар жалб этилиши мумкин экан...

- Тўғри, тақиқни олиб ташланганидан сўнг биз жамоага бир қатор футболчиларни жалб этишни режа қилганмиз. Ҳозирда Про-лигани тарк этган "Истиқлол" жамоасидан таркибимизга жалб этмоқчи бўлган футболчилар бор. Бундан ташқари "Насаф" академиясидан ҳам бир нечта футболчиларни жамоамизга чақиришни режа қилганмиз.