“Нефтчи” – “Бунёдкор” – 0:4, Фарғона – “Бунёдкор” – 0:5

Яна ҳам аҳамиятлиси, сафарда тўп сурган бўлишига қарамасдан клубнинг барча жамоалари ғалаба нашидасини сурди.

Дастлаб 11 апрель куни Ринат Мифтахутдинов мураббийлигидаги “Бунёдкор U-19” U-19 биринчилигининг 2-тури доирасида Фарғонада “Нефтчи U-19” меҳмони бўлди. Фарғоналиклар U-19 биринчилигининг 2021 йилги чемпиони ҳисобланади. Шундай бўлса-да, клубнинг ўсмирлари мезбонлар дарвозасини тўрт бор ишғол қилиб, йирик ҳисобдаги ғалабани тантана қилди.

25 апрель куни Суперлиганинг 5-тури доирасида Яйпанда “Нефтчи” меҳмони бўлган асосий жамоа эса, иродали ғалабани қўлга киритиб, мезбонлар дарвозасини 3 марта ишғол қилди ва ҳисоб – 1:3. Орадан бир кун ўтиб энди Ёшлар лигасининг 5-туридан ўрин олган “Нефтчи” – “Бунёдкор” ўйини бўлиб ўтди. Абдуҳамид Қодиров мураббийлигидаги ўринбосарлар жамоаси бежиз мусобақа пешқадами бўлиб турмагинини исботлаб, фарғоналикларни йирик ҳисобда “таслим” этди – 0:3. 

26 апрель куни тарихда илк бор ўтказилаётган футзал бўйича U-18 биринчилигининг гуруҳ босқичи 1-турида ҳам “Нефтчи” – “Бунёдкор” қарама-қаршилигига гувоҳ бўлдик. Қизиғи, Жиззахда бўлиб ўтган ўйинда норасмий мезбон сифатида фарғоналиклар қайд этилди. Асосийси эса, бу баҳсда ҳам “қалдирғочлар” ғалаба нашидасини сурди – 2:4. Шу тариқа “Нефтчи” – “Бунёдкор” учрашувларида умумий ҳисоб 0:4 кўринишини олди. 

Шунингдек, 9 апрель куни 18 ёшгача бўлган жамоалар иштирокидаги ЎФА Биринчилигининг 5-тури доирасида Фарғонада меҳмон бўлган “Бунёдкор U-18” Фарғона вилояти академияси жамоасидан устун келди. Жамолиддин Раҳматуллаев шогирдлари ягона гол эвазига сафардан 3 очко билан қайтди. Натижада Фарғона – “Бунёдкор” қарама-қаршилигида ҳисоб 0:5га етди! 

ЎФА БИРИНЧИЛИГИ
5-тур. 9 апрель
ФАРҒОНА ФММ – “БУНЁДКОР U-18” – 0:1

U-19 ЧЕМПИОНАТИ
2-тур. 11 апрель
“НЕФТЧИ” – “БУНЁДКОР” – 1:4

СУПЕРЛИГА
5-тур. 25 апрель
“НЕФТЧИ” – “БУНЁДКОР” – 1:3

ЁШЛАР ЛИГАСИ
5-тур. 26 апрель
“НЕФТЧИ” – “БУНЁДКОР” – 0:3

ФУТЗАЛ. U-18 ЧЕМПИОНАТИ
1-тур. 26 апрель
“НЕФТЧИ” – “БУНЁДКОР” – 2:4