АГМК дастлабки трансферини эълон қилди

"Давралар оралиғида таркибни кучайтириш мақсадида жамоамиз бир қатор трансферларга қўл урди.

Ўтган икки мавсумни жамоамизда ўтказган, жорий йил аввалида фаолиятини Қозоғистоннинг "Окжетпес" клубида давом эттирган марказий ҳимоячи Владислав Касминин АГМК билан ярим йиллик шартномага имзо чекди. 

Ўзбекистон Кубогида зафар қучган ва ўтган мавсум плей-офф доирасидаги Суперлигага ўтиш ўйинида жамоамизни элитада сақлаб қолувчи голга муаллифлик қилган — Владислав Касминин АГМК оиласига қайтди!

Хуш келибсан, Владислав!", - дейилади АГМК клубининг телеграмдаги расмий каналида.

Маълумот ўрнида:

Владислав Касминин

Туғилган санаси: 17.01.1990

Позицияси: марказий ҳимоячи

Миллати: Белорусь

Бўйи: 196

Оёғи: ўнг 

Ўйнаган жамоалари: "Нафтан", "Полоцк", "Волна", "Гранит", "Витебск", "Неман", "Окжетпес", АГМК