Адам Лаллана “Брайтон”га ўтди

32 ёшли хавбекнинг клуби билан келишуви уч йил амалда бўлади. Лаллана “Брайтон”да 14-рақам остида тўп тепади.

“Лаллананинг маҳоратига ҳеч қандай шубҳамиз йўқ. У ҳар доим юксак савияда ўйин намойиш этган ва юксак натижаларга эришган. Адам – тажрибали футбочли. Бу биз учун жуда яхши трансфер. Унинг жамоамиз либосида майдонга тушишини сабрсизлик билан кутамиз”, дея таъкидлаб ўтди “Брайтон” устоги Грэм Поттер.

Лаллана шу пайтгача “Ливерпуль” шарафини ҳимоя қилиб келган. Хавбек 2014 йилнинг ёзида 31 миллион евро эвазига “Саутгемптон”дан “Ливерпуль”га кўчиб ўтганди. “Қизиллар” сафида у 178 учрашувд майдонга тушиб, 22 та гол урган ва 22 та голли узатмани амалга оширган.